Në qytetin e Shkodrës është vendosur një “Smart Flower”, “Lule inteligjente” me panele diellore që prodhon energji nga dielli. Është “lulja” e parë në Shqipëri, që promovon energjinë e pastër.
Çdo mëngjes, “Smart Flower” hapet automatikisht nga rrezet e para të diellit dhe mbyllet në mbrëmje. Energjia që prodhon do shërbejë për të furnizuar qendrën e shërbimeve të ujësjellës-kanalizimeve që ndodhet në qendër të Shkodrës
Shkodra është qyteti i parë që do të implementojë këtë risi në prodhimin e energjisë së pastër. Me vendosjen e një “Smart Flower Solar” apo një luledielli të zgjuar diellore në qendër të qytetit.
Ka qenë një ceremoni e shkurtër me praninë e kryebashkiakes Voltana Ademi, administratorit të KESH-it Benet Beci, por edhe të mjaft qytetarëve kureshtarë.
Në mënyrë simbolike, Ademi dhe Beci, kanë bërë vënien në punë të “Smart Flower Solar”, e para e këtij lloji në Shqipëri dhe mbase “dallëndyshja e parë” e prodhimit të energjisë së pastër nga dielli në vendin tonë. (A2 Televizion)
A2 CNN Livestream
MUND TE LEXONI GJITHASHTU
