Presidentja e Kosovës, Vjosa Osmani, kërkon drejtësi për Masakrën në Rezallë. Në përkujtimin e 22 vjetorit të vrasjes makabre të 89 shqiptarëve nga ushtria serbe, kryetarja e shtetit tha se kjo ngjarje është dhimbje e vazhdueshme, kujtesë historikë e sakrificës për lirinë e Kosovës.
“Ne nuk do të ndalemi së kërkuari vendosjen e drejtësisë për njerëzit tanë sepse ata u privuan nga jeta, vetëm pse ishin shqiptarë. Liria dhe paqja kanë kuptim vetëm kur përgjegjësit dhe ekzekutuesit të vihen para drejtësisë!”, tha Osmani.
Viktimat e kësaj masakre u përkujtuan edhe nga kryeministri, Albin Kurti. Në një status në Facebook, shefi i qeverisë, tha se kishte marrë konfirmimin që eshtrat e gjetura gjatë vitit të kaluar nga varreza masive në Kizhevak të Serbisë iu përkasin viktimave të Luftës në Kosovë.
“Ne mbetemi të përkushtuar që të vazhdojmë punën tonë duke i dhënë prioritet ndriçimit të fatit dhe vendndodhjes së të pagjeturve, trajtimit më të mirë ligjor dhe institucional familjeve të tyre dhe të punojmë për vendosjen e drejtësisë”, u shpreh Kurti.
Ndërsa kryetari i Kuvendit të Kosovës, Glauk Konjufca, udhëtoi për në Rezallë për të bërë homazhe. (A2 Televizion)
A2 CNN Livestream
MUND TE LEXONI GJITHASHTU
