Familja mbretërore në Britani është përfshirë edhe një herë në skandalin e Jeffrey Epstein, pasi gazeta “The Telegraph” publikoi të dielën një foto të vitit 2002, ku bashkëpunëtorja e tij, Ghislaine Maxwell shihet e ulur në fronin mbretëror në “Buckingham Palace”, bashkë me aktorin Kevin Spacey.
Gazeta raportoi se ata ishin të ftuar aty nga Princi Andrew, një pjesëtar i familjes mbretërore, i akuzuar për abuzime me të mitur nga një prej viktimave të Epstein. Ai i mohon akuzat dhe gjatë një interviste me BBC nëntorin e kaluar, sugjeroi se një fotografi e tij me Maxwell dhe akuzuesen Virginia Roberts Giuffre, ka qenë e montuar.
Gjithsesi, Princi, i cili është filmuar më parë duke vizituar shtëpinë e Epstein në Nju Jork, është vënë edhe një herë tjetër nën presion, pas arrestimit të Maxwell nga FBI, me akuzën e rekrutimit të vajzave të mitura, që më pas shfrytëzoheshin nga Epstein (i cili u vetëvra në qeli) dhe persona të tjerë. Ulja në fronin mbretëror konsiderohet si fyerje, pasi askush tjetër nuk mund të ulet aty. (A2 Televizion)
A2 CNN Livestream
MUND TE LEXONI GJITHASHTU
