Leo Messi është ribashkuar me trajnerin Tata Martino. 60-vjeçari argjentinas ka marrë drejtimin e Inter Miami në Shtetet e bashkuara të Amerikës dhe do të nisë punën menjëherë për sezonin e ri.
Lajmin e ka bërë zyrtar vetë faqja e klubit që me anë të një postimi njoftoi tifozët për marrëveshjen me trajnerin e ri. Tata Martino është një emër i njohur në futbollin botëror, pasi më parë ai ka drejtuar dhe kombëtaren argjentinase, me të cilën në vitin 2016 humbi finalen e Kupës së Amerikës së Jugut.
Tata Martino është një njohje e vjetër me babanë e Messit. Në vitin 2013, ai u zgjodh dhe si trajneri i Barcelonës, por as kjo eksperiencë nuk kishte sukses. Aventura e tij nuk zgjati më shumë se një sezon pasi dështoi në çdo kompeticion.
Megjithatë, kjo aventurë e re ne shumë gjasa do të jetë një tjetër histori për trajnerin argjentinas, pasi në skuadër ka yje botërorë dhe niveli i futbollit është tërsisht ndryshe nga ai europian. Përveç Messit, Tata Martino do të ritakojë dhe lojtarë të tjerë nga Barcelona, si Busquets apo Jordi Alba. (A2 Televizion)
A2 CNN Livestream
MUND TE LEXONI GJITHASHTU
