“Në Shqipëri nuk është rrëzuar ende komunizmi si mentalitet”

Çdo ditë flitet për demokraci dhe në emër të saj ndërtohen sisteme politike, të cilat kur nuk arrijnë dot të jenë efikase atëherë thuhet se demokracia nuk është ndërtuar ende. Sot, madje, më shumë se kurrë përdoret ky nocion nga të gjithë pasi përmendet edhe momenti historik kur pas rënies së Murit të Berlinit, u duk sikur era e ndryshimit po frynte edhe në vendin tonë. Por pas 32 vitesh të këtij momenti dhe më shumë se 2500 viteve nga hera e parë kur u përdor ky term në Athinën e Lashtë, ne sot ende pyesim. Çfarë është demokracia? A e kemi përjetuar ndonjëherë apo ende e kërkojmë si shoqëri njerëzore dhe sa here i afrohemi, ajo duket sikur nuk ekziston. Për këtë çështje foli në Ditarin e orës 23:00 në A2 CNN pedagogu Ermal Hasimja. (A2 Televizion)