Tensionohet situata në Fakultetin e Drejtësisë. Thyerje xhamash, humbje ndjenjash dhe përplasje fizike mes studentëve. Kjo ka ndodhur mëngjesin e të hënës pasi studentët që kërkonin rinisjen e mësimit tentuan të hapin dyert e bllokuara nga të rinjtë e ngujuar.
Heqja e karrigeve nuk është lejuar nga protestuesit, çka ka sjellë dhunë mes palëve. Studentët e ngujuar kanë kërkuar ndihmën e urgjencës për shkak të gjendjes jo të mirë shëndetësore të një prej protestuesve. Ndërsa shprehen të palëkundur në vendimin për mos hapjen e dyerve deri në plotësimin e kërkesave.
Në mungesë të reagimit nga Universiteti i Tiranës, dekani i Fakultetit të Drejtësisë kërkon nga Ministria e Arsimit gjetjen e ambienteve të tjera për zhvillimin e mësimit. Përkohësisht auditorët e drejtësisë do t’u lihen të ngujuarve.
Ndryshe nga shkollat e tjera te larta, në Fakultetin e Drejtësisë vijon bojkoti. Ndërsa ngujimi i studentëve ka bllokuar hyrjet në auditorë dhe punën e sekretarive. (A2 Televizion)
A2 CNN Livestream
MUND TE LEXONI GJITHASHTU
