Granit Xhaka u përfshi në një sherr me Jesse Lingard gjatë humbjes së Arsenal 3-1 kundër Manchester United në Kupën e Anglisë të shtunën. Por sikur të mos mjaftonte rezultati dhe shfaqja e shëmtuar në fushën e blerë, mesfushori me origjinë shqiptare është nxehur edhe me tifozët e klubit të tij në të dalë të stadiumit.
Në një video të publikuar në rrjetet sociale, Xhaka shihet teksa i thotë tifozit “Mbylle gojën” e më pas të ngrejë xhamin e makinës. Ndërsa të tjerë tifozë i bëjnë thirrje të qetësohet duke i thënë edhe “të duam Xhaka”.
Në fakt, Xhaka ka ndarë tifozerinë e Arsenal, me një pjesë që mendojnë se është hallka që mban lidhur skuadrën, ndërsa një pjesë tjetër që beson se nuk është duke treguar nivelin e duhur për klubin e tij. (A2 Televizion)
