Ka përfunduar takimi mes VV dhe LDK, ku të pranishëm ishin edhe disa ambasadorë.
Me kërkesë të kreut të Lëvizjes Vetëvendosje, Albin Kurti, ambasadorët e shteteve të QUINT-it morën pjesë në takimin me kreun e Lidhjes Demokratike të Kosovës, Isa Mustafa. Takimi zgjati disa orë.
Kryetari i LDK-së, Isa Mustafa, tha pas takimit se është i hapur për bashkëpunim me Lëvizjen Vetëvendosje nëse ky subjekt i pranon kushtet e tyre.
Ndërsa anëtarja e Kryesisë së Vetëvendosjes, Albulena Haxhiu, tha se do të donte të kishte marrëveshje të finalizuar, por një gjë e tillë ende nuk ka ndodhur për shkak të insistimit të LDK-së.
"Nuk ka marrëveshje, pikërisht për shkak të insistimit të LDK-së për t’u kthyer para 8 janarit", u shpreh ajo.
Më herët, diplomatët e Britanisë, Amerikës, Italisë, Gjermanisë dhe Francës refuzuan të ndërmjetësonin negociatat për formimin e qeverisë së re.
Përpara nisjes së takimit, kryetari i Lidhjes Demokratike përsëriti se nuk lëviz nga oferta e fundit pasi sipas tij garanton ndarje të barabartë të pushtetit. (A2 Televizion)
A2 CNN Livestream
MUND TE LEXONI GJITHASHTU
