Një peshkarexhë është fundosur pasditen e sotme në afërsi të ishullit të Sazanit. Në momentin kur mjeti lundrues ka paraqitur probleme, në bord kanë qenë tre persona.
Një prej peshkatarëve, Mezan Mezani ka treguar për mikrofonin e A2 CNN sesi ndodhi ngjarja teksa ndodheshin në det të hapur.
Mezani tregon momentet e panikut, ndërsa shprehet se deti ishte në kushte normale, por ishin disa dallgë që përmbysën anijen.
"Ne ishim në një moment kritik. Deti ishte normal, por dallgëzimi... U ndjemë në siklet të them të drejtën. Ishim tre vetë. Mundësitë e komunikimit ishin të pakta. Si nëpër filma kemi qëndruar, lart se anija ishte përmbysur. Dëmi është jashtëzakonisht i madh. Është në mes të detit dhe përbën rrezik edhe për anijet e tjera.”
Peshkatari falënderoi një anije dhe rojat bregdetare që bënë të mundur shpëtimin e tyre. (A2 Televizion)
A2 CNN Livestream
MUND TE LEXONI GJITHASHTU
