80% e kampionateve në Europë do ta përfundojnë sezonin. Plani i Uefa-s është i qartë ndërsa presidenti Alekander Ceferin shpjegoi se çfarë do të ndodhë më vendet të cilat vendosin mbylljen e kampionatit.
“Skuadrat të që vijnë nga kampionatet e ndërprera, ku nuk shpallen verdiktet, duhet ta nisin prej eliminatoreve nëse duan të marrin pjesë në Kupat e Europës. Personalisht, vendimi për një anulim të parakohshëm të futbollit si në Francë më duket një veprim i pamatur, por kjo nuk ka të bëjë me ne”- u shpreh numri një i UEFA-s.
Ceferin i referohet shembullit të Paris Saint Germain dhe Lyon që do të luajnë në Champions League, por nuk do të kenë asnjë ndeshje deri në fundin e muajit gusht. Sipas tij të luash ndeshje të kësaj rëndësie me një periudhë kaq të gjatë pa aktivitet është shumë e vështirë.
UEFA ka konfirmuar gjithçka edhe sa i përket Kupave të Europës. Nëse gjithçka shkon sipas planit, në muajin gusht do të kenë përfunduar të gjitha aktivitetet. Kështu nuk cënohet as kalendari i sezonit 2020-2021.
Çështje mbetet “Fair Play Financiar” për cilën presidenti Aleksandër Ceferin u shpreh se do të gjendet një mënyrë përshtatje duke parë vështirësitë në cilat ndodhen klubet. (A2 Televizion)
A2 CNN Livestream
MUND TE LEXONI GJITHASHTU
