Në mbledhjen e përbashkët të dy qeverive shqiptare që u mbajt të hënën në Prishtinë, është prezantuar projekti i ndërtimit të projektit tregtar në Porto Romano, integrimi me hekurudhën Durrës-Prishtinë dhe Porti i Thatë në Kosovë.
Drejtori në Royal Haskoning DHV, Eric Smit, duke vlerësuar si mjaft të rëndësishëm këtë projekt, theksoi se nëse ky port do të jetë i realizueshëm, Kosova dhe Shqipëria do të ndryshojnë lojën në Ballkanin Perëndimor.
“Ky projekt nëse do të zbatohet do të ndryshojë lojën, jo vetëm për të dy shtetet tuaja, por edhe për të gjithë rajonin e Ballkanit Perëndimor. Zgjatja e funksionimit të Porto Romanos do ta bëjë katalizator për përmirësimin e nivelit të lidhjes në të gjithë rajonin e Ballkanit Perëndimor. Pra, ky është rajoni, është me rëndësi ta përmendim se Porto Romano është tashmë porti kryesor i Kosovës”, theksoi Smit.
Smit tha gjithashtu se Porti i Thatë jep shumë mundësi dhe është një infrastrukturë ideale për ta hequr ngarkesën nga portet detare. Kjo i lehtëson disa pjesë shumë thelbësore të portit detar. “Brenda kontekstit të punës në Porto Romano, kemi kërkesën e trafikut të tregut dhe kemi vlerësuar që deri në vitin 2050 mund të ketë potencial, deri në 100 mijë kontejnerë që të trajtohen në Portin e Thatë... Kurse sa i përket Portit të Thatë, çfarë është një Porti i Thatë? Është një qendër e anijeve ose zinxhir i tregut dhe gjithashtu rrjet transportues. Pra, është një pikë ose një lidhje ku dy modalitetet vijojnë së bashku. Dhe është një lidhje jo vetëm për anijet, mirëpo jep shumë mundësi të cilët mund t’i shtoni në një port të thatë. Gjithashtu, është me rëndësi edhe zhdoganimi, kështu që Porti i Thatë është një infrastrukturë ideale për ta hequr stresin nga portet detare. Sepse është një mundësi për ta bërë zhdoganimin brenda Portit të Thatë, jo në port detar. Pra, kjo i lehtëson disa pjesë shumë thelbësore të portit detar”, theksoi ai.
Smit tregoi edhe për ndikimet ekonomike të këtij porti, i cili tha se nga ky projekt përfitimet janë direkte dhe indirekte e po ashtu edhe në rritjen e GDP-së të shtetit prej 3-6 për qind. Mirëpo, për të arritur këtë projekt, Smit tha se duhet një studim fizibiliteti përfshirë gjithë procesin, e po ashtu duhet të arrihen edhe marrëveshjet doganore të harmonizuara mes Kosovës dhe Shqipërisë. Porto Romano do të ketë 400 hektarë sipërfaqe me një kapacitet prej 2 milionë kontejnerë deri në 50 milionë tonelata. Ndërkaq, do të ketë 1 milion udhëtarë, me një distancë deri në Prishtinë do të jetë 265 kilometra. (A2 Televizion)
A2 CNN Livestream
MUND TE LEXONI GJITHASHTU
