Rusia i ka dalë në mbrojte Serbisë për sa i përket masakrës së Srebrenicës në Bosnje-Hercegovinë. Zëdhënësja e Ministirsë së Jashtme ruse, Maria Zakharova ka bërë me dije se Moska beson se qëndrimi i disa qarqeve politike dhe klerike, me mbështetjen e Perëndimit, i cili kërkon të konsolidojë një interpretim të rrezikshëm të ngjarjeve të vitit 1995, është kundër produktiv dhe i dëmshëm për procesin e pajtimit në Serbi.
"Ne besojmë se qëndrimi i disa qarqeve politike dhe klerike, me mbështetjen e Perëndimit Kolektiv, i cili kërkon të konsolidojë një interpretim tendencioz, të njëanshëm dhe vërtet të rrezikshëm të ngjarjeve të vitit 1995, është kundërproduktiv dhe i dëmshëm për procesin e pajtimit. Ne gjithashtu besojmë se përpjekjet për të demonizuar popullin serb janë absolutisht të papranueshme.
Në këtë kontekst, shpallja e 11 korrikut si një ditë ndërkombëtare përkujtimore e, siç është formuluar 'gjenocidi' në Srebrenicë, e cila u miratua në maj të këtij viti nga një rezolutë hapur anti-serbe e Asamblesë së Përgjithshme të OKB-së, është thjesht shqetësuese. Kjo është një tjetër në një seri përpjekjesh padyshim të papërgjegjshme nga forcat e interesuara për të imponuar në mënyrë agresive qëllimet e tyre gjeopolitike për të thelluar më tej përçarjet ekzistuese dhe për të rritur potencialin e konfliktit në rajon. Dua t’ju kujtoj se Rusia vazhdimisht mbështet një hetim objektiv të të gjitha akteve të paligjshme të kryera në Ballkan kundër anëtarëve të të gjitha grupeve etnike, përfshirë boshnjakët, serbët dhe kroatët, në mënyrë që autorët, pavarësisht nga përkatësia e tyre kombëtare ose fetare, të mbajnë përgjegjësinë e merituar”. (A2 Televizion)
A2 CNN Livestream
MUND TE LEXONI GJITHASHTU
