Një zjarr i fuqishëm që ka përfshirë zonën e Akainës Perëndimore në Greqi ka çuar në ndërprerjen e plotë të trafikut në pjesën perëndimore të Peloponezit dhe evakuimin urgjent të mijëra qytetarëve.
Aktualisht, trafiku është bllokuar në rrugën e re kombëtare Patras–Pyrgos, rrugën e vjetër Patras–Pyrgos, si dhe në akse të tjera të rëndësishme si nga kryqëzimi i Kato Akaisë deri në Ovrya-Patra, dhe nga zona industriale deri në rrugën kombëtare Patra–Tripoli.
Në përballje me rrezikun e madh për jetën dhe pronën, autoritetet kanë urdhëruar evakuimin e mbi 7,500 banorëve, të cilëve u është kërkuar të zhvendosen drejt qytetit të Pyrgos, në rajonin fqinj të Ilisë.
Zjarrfikësit, forcat policore dhe vullnetarët janë në terren, duke bërë përpjekje për të vënë nën kontroll flakët, ndihmuar edhe nga ajri përmes helikopterëve dhe avionëve zjarrfikës.
Autoritetet bëjnë thirrje për vigjilencë të shtuar dhe bashkëpunim me shërbimet e emergjencës, ndërsa situata vijon të mbetet kritike. (A2 Televizion)
A2 CNN Livestream
MUND TE LEXONI GJITHASHTU
