Presidenti amerikan Donald Trump thotë se mund “të marrë naftën në Iran” dhe ndoshta të pushtojë qendrën kryesore të karburantit në Ishullin Kharg, raporton A2CNN.
Në një intervistë me “Financial Times”, Trump deklaron se SHBA mund ta marrë ishullin “lehtësisht”, duke shtuar se një marrëveshje paqeje mund të arrihet “relativisht shpejt”.
Iran ka kërcënuar të zgjerojë sulmet hakmarrëse ndaj universiteteve dhe shtëpive të zyrtarëve amerikanë dhe izraelitë.
Më herët, kryetari i Parlamentit iranian tha se forcat po “prisnin” trupat tokësore amerikane që të mund “të hapin zjarr ndaj tyre” pasi SHBA njoftoi se 3,500 ushtarë ndodhen në rajon së bashku me një anije luftarake.
SHBA-të ia kanë vënë syrin ishullit sepse aty ndodhet një terminal i madh nafte, linja kryesore e jetës ekonomike të Iranit.
Pushtimi i tij jo vetëm që do të pengonte eksportet e naftës së Iranit, por gjithashtu mund të ofronte një platformë nga e cila mund të kryheshin sulme kundër kontinentit.
Marrja e ishullit do të ndërpriste në mënyrë efektive një burim kryesor të ardhurash për Korpusin e Gardës Revolucionare Islamike (IRGC) të Iranit, duke ndikuar në aftësinë e tij për të zhvilluar luftë. (A2 Televizion)
A2 CNN Livestream
MUND TE LEXONI GJITHASHTU
