“Kandidatët e PD-së iknin me pushime gjatë fushatës!”, Sula debat me Koplikun: Ja diferenca mes Ramës e Berishës

Nga A2 CNN
18 Nëntor 2026, 22:32 | Politikë

Kryeinspektori i Përgjithshëm, Dashnor Sula, dhe drejtuesi i departamentit “Brain Gain” në PD, Ted Kopliku, janë përfshirë në një debat gjatë diskutimit për opozitën dhe alternativës së saj për të ardhur në pushtet.

Sula kritikoi listat e Partisë Demokratike, duke pretenduar se disa prej kandidatëve nuk kanë kontribuar në fushatë dhe madje kanë zgjedhur të largohen me pushime gjatë saj.

Ai e krahasoi mënyrën e përzgjedhjes së kandidatëve nga Sali Berisha me atë të Edi Ramës, duke thënë se kryeministri përfshin në lista persona që sjellin vota.

Nga ana tjetër, Kopliku iu përgjigj me ironi, duke përmendur deputeten Caushi si model suksesi të PS-së, si dhe praninë e bandave të fushatën elektorale.

DEBATI

Kopliku: Ju tregoni të pavërteta.

Sula: Një parti duhet të përcjellë shpresë, të ketë një imazh ku të përcjellë mesazh fitues.

Kopliku: Si Zegjineja për shembull, se Zegjineja është më e votuara! A është Zegjineja frymëzimi juaj?

Sula: Si puna e Zegjinesë ke edhe të listat e PD. Nuk dua të ndy gojën me disa njerëz te PD, që edhe gjatë fushatës zgjedhore iknin me pushime!

Sula: Edi Rama ka një diferencë të madhe me Sali Berishën, kush është? Edi Rama interesohet të bëjë deputetë në lista ato që prodhojnë vota…

Kopliku: Po çfarë votash prodhon Zegjineja?!

Sula: Ndërsa Berisha do të vejë në lista ato të cilët s’e mbajnë në gojë nëpër tavolina.

Kopliku: Njerëz që bëhen kryeinspektor te Edi Rama, imagjino! Imagjinoni kë largon Berisha nga listat. Heq nga lista njerëz që bëhen drejtorë turizmi, imagjino çfarë krimi.

Sula: PS vit pas viti i rrit votat, rrit mandatet. S’i bëni pyetje vetes njëherë? Mendoni si do ta mundni? Më 6 mars 2022, kur kishim zgjedhjet në 6 bashki, Berisha dhe Basha e kishin garën kush do fitonte forcë e parë, dhe 5 i fitoi Berisha. I keni pasur problemet brenda vetes. Rama unifikon partinë, ti bën luftë civile. Si do fitosh ti?!

  (A2 Televizion)

A2 CNN Livestream

Latest Videos