Policia italiane ka arrestuar një burrë dhe një grua në Milano, të cilët akuzohet për abuzim seksual ndaj fëmijëve të tyre të mitur në transmetim të drejtpërdrejtë në internet, në këmbim të parave. Bëhet fjalë për fenomenin "Live streaming child abuse".
Çifti filipinas merrte pagesa nga llogaritë e PayPal që u atribuoheshin përdoruesve evropianë për të marrë pjesë në "shoë video live”, të përbërë nga abuzime seksuale ndaj të miturve, të porositura aty për aty nga përdorues të interesuar. Mes të arrestuarve ishte edhe një italian.
Arrestimi erdhi pas një hetimi të kryer nga Qendra Kombëtare për Luftimin e Pornografisë së Fëmijëve në internet (C.N.C.P.O.) dhe i koordinuar nga Prokuroria Publike në Gjykatën e Milanos, si rezultat i një raporti për transaksione të dyshimta financiare të marra nëpërmjet GDF, nga Njësia e Informacionit Financiar (UIF) e Bankës së Italisë.
Në muajin nëntor, Policia Postare e Milanos kishte kryer një kontroll në shtëpi dhe në pajisjet informatike të sekuestruara nga një prej të dyshuarve. Analiza e përpiktë mjeko-ligjore e të cilit lejoi shfaqjen e provave të rëndësishme kundër tyre.
Gjatë periudhës në të cilën jetonte jashtë vendit, gruaja, pjesë e rrjetit kriminal të lartpërmendur, transmetoi drejtpërdrejt, kundrejt pagesës, video që shfaqnin abuzim seksual ndaj dy fëmijëve të saj të mitur.
Raporti u konfirmua më pas nga informacione të mëtejshme të marra nga Hetimi i Sigurisë Kombëtare të SHBA-së (Homeland Security Investigation, HSI) në kontekstin e bashkëpunimit policor ndërkombëtar në lidhje me një rrjet subjektesh të përfshira në "Transmetim të drejtpërdrejtë të abuzimit të fëmijëve". (A2 Televizion)
A2 CNN Livestream
MUND TE LEXONI GJITHASHTU
