Emergjenca nga i nxehti rekord po shkakton pasoja dramatike në disa qytete italiane. Në Bagheria, pranë Palermos, një 53-vjeçare me probleme kardiake u rrëzua papritur në një trotuar dhe humbi jetën në vend.
Në Vicenza, dy punëtorë humbën ndjenjat teksa punonin brenda një cisterne alumini, e mbushur me avuj nga temperaturat ekstreme. Njëri prej tyre ndodhet në koma dhe është intubuar në spitalin e Bassano del Grappa. Ngjarja ndodhi rreth orës 15:30, ndërsa në vendngjarje ndërhynë karabinierët dhe shërbimi i urgjencës.
Ndërkohë, në Milano, një turiste 66-vjeçare nga Shanghai pësoi gjendje të fikëti për shkak të vapës dhe dehidratimit teksa ndodhej në Terrazën kryesore të Duomos, bashkë me të birin dhe nipin. Ajo u ndihmua nga zjarrfikësit dhe personeli i emergjencës.
Shërbimet e urgjencës kanë regjistruar një rritje deri në 20% të vizitave, kryesisht nga të moshuarit dhe pacientët me sëmundje kronike.
Organizata Botërore e Shëndetësisë këshillon të shmanget ekspozimi në diell gjatë orëve më të nxehta, të freskohet ambienti dhe trupi, si dhe të kujdesemi për personat më të cenueshëm. (A2 Televizion)
A2 CNN Livestream
MUND TE LEXONI GJITHASHTU
