Milan ka mposhtur sërish Interin në derbin e Milanos.
Kuqezinjtë fituan për herë të katërt radhazi ndaj zikaltërve në ndeshje zyrtare, falë një paraqitjeje fantastike të Diego Moreira, shkruan A2.
Brenda 10 minutave të para, ekipi i drejtuar nga Ruben Amorim shënoi dy herë me anë të Pulisic dhe Rabiot. Në të dy golat, asisiti u dha nga Moreira.
Bastoni shkurtoi diferencën për Interin në minutën e 22, pas një goditjeje këndi. Vrulli i Interit u ndal nga Mike Maignan, i cili me pritjet e tij ruajti avantazhin kuqezi, përpara se Moreira të shënonte një gol fantastik me goditje dënimi në fundin e pjesës së parë.
Pjesa e dytë nuk dhuroi gola, me Milanin që ruajti i qetë avantazhin dhe ngjitet përkohësisht në vendin e katërt me 21 pikë. Ndërkohë, Interi zbret në vendin e dytë, me 25 pikë. (A2 Televizion)
A2 CNN Livestream
MUND TE LEXONI GJITHASHTU
