Moldavët votojnë të dielën në zgjedhjet presidenciale dhe një referendum të BE, që konsiderohen të rëndësishëm për aspiratat e vendit për t’iu bashkua bllokut, mes pretendimeve për ndërhyrje të Rusisë.
Sondazhet tregojnë se presidentja pro europiane në detyrë Maia Sandu gëzon një përparësi të rehatshme përballë 10 rivalëve në votim, edhe pse fituesi do të përcaktohet në balotazh më 3 nëntor, nëse ajo nuk arrin pragun e 50 për qind të votave.
Sipas sondazheve, Sandu, do të përballet me Alexandr Stoianoglo, një ish-prokuror i përgjithshëm që mbështetet nga Rusia, nëse gara shkon në balotazh, shkruan A2.
Sandu shpreson të shohë një Po të fortë edhe në referendumin, që do të vendosë nëse qëllimi për anëtarësim në BE, duhet të përfshihet në kushtetutë.
Fushata zgjedhore është eklipsuar nga përpjekjet e Rusisë për të ndërhyrë në zgjedhje. Policia ka akuzuar një manjat në arrati që jeton në Rusi, se po përpiqet të paguajë rreth 130 mijë votues, në mënyrë që të votojnë jo në referendum, dhe të mbështesin një kandidat pro Rusisë.
Në një postim të fundit në Tik Tok, ai ka premtuar pagesa mujore prej rreth 250 eurosh për të burgosurit, nëse votojnë sipas udhëzimeve. Autoritetet kanë raportuar raste të shtetasve moldavë të cilët kthehen nga udhëtime të shkurtra nga Rusia, me 3, 4 ose 7 mijë euro cash.
Të enjten agjenci të sundimit të ligjit thanë se kishin zbuluar një program, ku qindra njerëz dërgoheshin në Rusi për t’u trajnuar për të inskenuar protesta e trazira civile. Rusia mohon ndërhyrjen dhe akuzon qeverinë për ‘Rusofobi”. (A2 Televizion)
A2 CNN Livestream
MUND TE LEXONI GJITHASHTU
