Ministri izraelit i Mbrojtjes, Izrael Katz ka paralajmëruar këtë të martë udhëheqësin suprem të Iranit, Ali Khamenei, "për një fat të ngjashëm me Sadam Huseinin".
Gjatë një mbledhje me drejtuesit e lartë të IDF-së, nga zyra e tij, Katz kërcënoi Khamenei duke thënë se do ta pësojë si ish-lideri irakian që u ekzekutua për krime kundër njerëzimit.
"Unë e paralajmëroj diktatorin iranian kundër vazhdimit të kryerjes së krimeve të luftës dhe lëshimit të raketave ndaj civilëve izraelitë. Ai do të bënte mirë të kujtonte fatin e diktatorit në vendin fqinj me Iranin, i cili zgjodhi të njëjtën rrugë kundër shtetit të Izraelit", tha Katz, duke iu referuar Husein, liderit irakian i cili u rrëzua në vitin 2003 gjatë pushtimit amerikan të Irakut dhe më vonë u gjet i fshehur në shkretëtirë dhe u var.
Katz u ndal edhe tek sulmi izraelit në selinë e transmetuesit shtetëror të Iranit, IRIB, në Teheran, duke thënë se edhe zgjatime të tjera të sundimit të regjimit civil iranian mund të jenë gjithashtu në shënjestër.
"Ne do të vazhdojmë edhe sot të veprojmë kundër regjimit dhe objektivave ushtarake në Teheran, ashtu siç bëmë dje kundër autoritetit të transmetimit të propagandës dhe nxitjes", tha ai.
“U bëj thirrje banorëve të Teheranit që të evakuojnë ato zona në përputhje me udhëzimet e zëdhënësit të IDF në persisht, për mbrojtjen e tyre”, shtoi Katz. (A2 Televizion)
A2 CNN Livestream
MUND TE LEXONI GJITHASHTU
