Djemtë e mbarë dhe të prapë të politikës, kush nga liderët meriton dhurata nga Babagjyshi?

Vladimir Putin - “Dhurata e parë është një vendim i lehtë... Vladimiri nga Rusia, unë nuk jam adhurues i luftërave, thjesht nuk më duken ide e mirë. Dhe pastaj është e gjithë historia me Yevgeny Prigozhin, shumë e çrregullt. Pra, asnjë dhuratë për Vladimirin këtë Krishtlindje, as nga unë, as nga kushëriri im rus Ded Moroz. Si Krishtlindjet e kaluara dhe Krishtlindjet e mëparshme”.

Volodymyr Zelensky - “Tjetri në listë është Volodymyr. I habitur ai nuk më kërkoi një pulovër të re, vetëm një gjumë të mirë. Edhe unë dua të njëjtën gjë, o njeri! Ti je në listën e mirë”.

Olaf Scholz - “Tjetri është Olafi nga Gjermania. Unë njoh një burrë dëbore me atë emër, kështu që supozoj se mund të thoni se jam i dashuruar me Olafin. Kjo është ndoshta arsyeja pse ai bën pjesë në listën e të mbarëve. Pra, le t'i japim Olafit atë që ai dëshiron... Paratë. Ai me të vërtetë ka nevojë për para për të rregulluar vrimën e madhe në buxhetin e qeverisë gjermane”.

Kyriakos Mitsotakis - “Zakonisht rreth kësaj pike, në mbrëmje nisem në jug për pak ngrohtësi dhe Greqia është gjithmonë një zgjedhje e mirë. Kyriakos mund të bëjë pjesë në listën e mirë mendoj, pasi ai nuk kërkoi shumë... Vetëm disa mermerë të vjetër. Më duket mjaft e drejtë. Megjithatë nuk do t'ia vjedh. Unë jam Santa, jo një kriminel! Kështu që unë mund të ofroj vetëm mbështetje morale”.

Giorgia Meloni - “Të shohim, kush është i radhës? Tani, kjo është interesante. Giorgia nga Italia kërkoi një libër. Kryeministrja italiane kërkon një kopje të 'Uno, nessuno, centomila' të Luigi Pirandello-s. Është një lexim i mirë për idenë se të gjithë kanë personalitete të shumta. Unë mendoj se ajo dëshiron të mësojë se si t'u tregojë një fytyrë të ndryshme njerëzve të ndryshëm. Fat të mirë dhe kujto kush je në të vërtetë pas kësaj! Thjesht shpresoj që ajo ta kuptojë këtë libër, ajo dukej pak e hutuar për kuptimin e romanit të Tolkien që kërkoi disa vite më parë.”

Emmanuel Macron - “Le të kalojmë Alpet. Më pas është Manu. Shoku i pafytyrë, ai udhëheqësi francez. Unë kurrë nuk e di ku ta vendos, është i keq apo i sjellshëm? I ashpër. Dhe ai kërkoi një byzylyk miqësie, për t'ia dhënë Viktorit në Hungari. Duket se i pëlqejnë djemtë e këqij . Byzylyku i miqësisë që ai i dha Vladimirit në Rusi nuk funksionoi aq mirë. Bravo atij që nuk u dorëzua”.

Ursula von der Leyen - “Më duhet të shkoj në Bruksel tani, te dikush që jeton në zyrë. Ursula, mendoj se është emri i saj. Jam shumë keq me emrat. Ajo më kërkoi diçka të çuditshme: Një ujk. Jo çdo lloj ujku. Unë mendoj se ai është ende gjallë, kështu që është pak joetike. Le ta kapërcejmë këtë kërkesë”, shkruan ai, duke iu referuar mbështetjes së presidentes së Komisionit Europian për lejimin e gjuetisë së ujqërve.

Boris Johnson dhe Rishi Sunak - “Ndalesa ime e fundit në Evropë është Britania e Madhe ku Boris dëshiron një autobus lodër. Unë nuk mendoj se ato që ai ndërton janë veçanërisht të mira, kështu që ndoshta ai ka nevojë për një model për të mësuar. Por përsëri, a i ndjek ai ndonjëherë udhëzimet? Ndonëse është mirë të shohësh se ai është mësuar të thotë “më fal” me zë të lartë, kjo nuk do t'i rregullojë të gjitha katrahurat që ka bërë. Ai është ende në listën time të keqe.  Kështu që ta harrojë autobusin. Ndoshta vitin tjetër. A e merrni dot me mend se çfarë ka kërkuar Rishi? Gjithashtu një autobus lodër. Cilat janë gjasat? Pyes veten nëse ai do të studiojë një mënyrë për të dërguar emigrantë në vende të tjera me rrugë tokësore tani që plani i tij për Ruandën duket i pasigurt."