Presidenti amerikan Donald Trump ka fluturuar me avionin privat të financierit Jeffrey Epstein, i dënuar si abuzues seksual, shumë më shpesh sesa ishte raportuar më parë.
Kjo mësohet nga një email i një prokurori të Nju Jorkut, i cili është pjesë e një grupi të ri dokumentesh për Epstein të publikuara të martën nga Departamenti Amerikan i Drejtësisë, shkruan A2.
Në një email të datës 7 janar 2020, prokurori, identiteti i të cilit nuk bëhet i ditur, shkruante se të dhënat e fluturimeve tregonin se Trump kishte fluturuar tetë herë me avionin privat të Epstein gjatë viteve ‘90.
Të paktën katër prej këtyre fluturimeve përfshinin edhe Ghislaine Maxwell, bashkëpunëtore e Epstein. Maxwell aktualisht po vuan një dënim prej 20 vitesh burg për ndihmën që i dha Epsteinit në abuzimin seksual ndaj vajzave të mitura.
Në një postim në rrjetet sociale në vitin 2024, Trump deklaroi se ai “nuk ka qenë kurrë në avionin e Epsteinit, as në ishullin e tij ‘budalla’, siç e cilësoi.
Sipas dokumentit, në një nga fluturimet, të vetmit tre pasagjerë ishin Epstein, Trump dhe një grua 20-vjeçare, emri i së cilës është mbuluar. Në dy fluturime të tjera, dy nga pasagjerët ishin gra që mund të shërbenin si dëshmitare të mundshme në çështjen kundër Maxwell. (A2 Televizion)
A2 CNN Livestream
MUND TE LEXONI GJITHASHTU
