Presidenti i Turqisë, Recep Tayyip Erdogan tha se vendi i tij mbetet i përkushtuar për të përndjekur ndjekësit e dyshuar të klerikut të ndjerë, Fethullah Gulen.
“Do të vazhdojnë të luftojmë FETO-n derisa të zhduket krejtësisht”, ka thënë Erdogan para pjesëtarëve të partisë së tij, duke e përdorur akronimin zyrtar për grupin e Gulenit.
Qeveria turke e konsideron lëvizjen Hizmet të Gulenit si terroriste.
Ankaraja e fajëson rrjetin e Gulenit për organizim të puçit të dështuar në Turqi, më 2016, dhe prej atëherë ka arrestuar mbështetësit e dyshuar të grupit.
Gulen, i cili ka jetuar në Shtetet e Bashkuara prej vitit 1999, vdiq në një spital në Pensivlani në mbrëmjen e së dielës.
Kleriku ka qenë aleat i Erdoganit deri më 2013. Vetë Guleni e ka mohuar përfshirjen në tentativën për puç dhe e akuzon Erdoganin i ka orkestruar këto ngjarje.
Më 15 korrik 2016, një fraksion i ushtrisë turke tentoi të kryejë puç kundër Qeverisë së Erdoganit. Përpjekjet dështuan dhe më shumë se 250 njerëz humbën jetën teksa 2000 të tjerë mbetën të plagosur.
Nën gjendje të jashtëzakonshme, Qeveria e Erdoganit largoi nga puna më shumë se 100.000 shërbyes civilë dhe arrestoi dhjetëra mijëra mbështetës të dyshuar të Gulenit.
Vëzhguesit presin që lëvizja e Gulenit të shpërbëhet pas një kohe, pas vdekjes së udhëheqësit të saj. REL (A2 Televizion)
A2 CNN Livestream
MUND TE LEXONI GJITHASHTU
