Sirenat e alarmit u dëgjuan në Izrael këtë të martë, pasi Hezbollah lëshoi raketa kundër dy bazave pranë qytetit të Tel Avivit dhe një baze detare në perëndim të Haifas, shkruan A2 CNN. Sulmet erdhën pak orë para se Sekretari Amerikan i Shtetit, Antony Blinken, të mbërrinte në Lindjen e Mesme, në vizitën e tij të 11-të për të nxitur arritjen e një marrëveshje armëpushimi.
Pas bombardimeve intensive gjatë natës në Libanin Jugor dhe periferitë e kryeqytetit Bejrut, Hezbollah tha se kishte lëshuar raketa kundër bazave të Glilot, të përdorura nga inteligjenca ushtarake e Izraelit, dhe zonës së Nirit pranë Tel Avivit. Blinken do të përpiqet të rigjallërojë negociatat që deri më tani kanë dështuar t’i japin fund konfliktit 1-vjeçar në Rripin e Gazës, që tashmë është zgjeruar edhe në Liban.
Gjatë qëndrimit në Izrael, Blinken do të diskutojë edhe mbi planin e hakmarrjes së Izraelit kundër Iranit. SHBA ka kërkuar më herët që të mos goditen fushat me naftë, për të mos trazuar tregjet globale. Teherani i ka shkruar agjencisë së OKB për energjinë bërthamore, për t’u ankuar mbi kërcënimet që i kanosen zonave nukleare në vend. (A2 Televizion)
A2 CNN Livestream
MUND TE LEXONI GJITHASHTU
