Banka Qendrore e Rusisë ka ngritur një padi në Moskë duke kërkuar dëmshpërblim nga depozita me seli në Bruksel, Euroclear, për ngrirjen e aseteve të saj sovrane dhe është zotuar të sfidojë planet evropiane për të bllokuar rezervat.
Banka Qendrore tha të premten se Euroclear, e cila mban 185 miliardë euro nga 210 miliardë eurot e aseteve ruse të ngrira nga Evropa, e kishte "bërë të pamundur aksesin në fonde dhe letra me vlerë që i përkasin Bankës së Rusisë" përmes "veprimeve të paligjshme".
Padia është goditja e parë e Rusisë kundër Evropës, ndërsa Brukseli lëviz për të bllokuar për një kohë të pacaktuar asetet për të financuar një kredi prej 90 miliardë eurosh për Ukrainën javën e ardhshme, shkruan A2.
Belgjika, ku mbahen shumica e aseteve, e ka kundërshtuar idenë, duke pasur frikë nga hakmarrja ruse. Komisioni Evropian beson se asnjë gjykatë jashtë BE-së nuk do të kishte juridiksion mbi çështjen.
Por, Banka Qendrore e Rusisë tha se do të "kundërshtonte pa kushte" përpjekjet për të bllokuar asetet e saj përmes gjykatave ndërkombëtare si në "vendet miqësore ashtu edhe në ato armiqësore". (A2 Televizion)
A2 CNN Livestream
MUND TE LEXONI GJITHASHTU
