Fillimisht shtrëngimi i duarve, me shumë forcë… më pas dhe bisedimet që zgjatën 4 orë. Presidenti i Rusisë, Vladimir Putin, priti në Shën Petersburg, Steve Witkoff, të dërguarin special të homologut amerikan, Donald Trump.
Kremlini njoftoi se takimi zgjati për më shumë se katër orë dhe u fokusua në “aspekte të një zgjidhjeje për Ukrainën”. Bisedimet, të tretat e Witkoff me Putinin këtë vit, u përshkruan nga i dërguari i posaçëm Kirill Dmitriev si “produktive”.
I dërguari special i Trump, u largua nga Shën Petersburgu, pas takimit me Presidentin rus Vladimir Putin. Sipas Witkoff, raporton Reuters duke cituar burime amerikane, “mënyra më e shpejtë” për të arritur një armëpushim në Ukrainë do të ishte “për të mbështetur një strategji që do t'i jepte Rusisë pronësinë e katër rajoneve lindore të Ukrainës që Moska është përpjekur t'i aneksojë në vitin 2022”. Ndërkohë, më herët, Trump ka shprehur zhgënjimin me Putinin për gjendjen e bisedimeve.
Të premten, ai shkroi në mediat sociale: “Rusia duhet të lëvizë. Shumë njerëz po vdesin, mijëra në javë, në një luftë të tmerrshme dhe të pakuptimtë”. Bisedimet vijnë pasi i dërguari i Trump në Ukrainë, Keith Kellogg, mohoi idetë apo sugjerimet se vendi mund të ndahej. Media The Times raporton se Kellogg ka propozuar dërgimin e trupave Britanike dhe Franceze për të vendosur zona kontrolli në perëndim të Ukrainës si pjesë e një force garantuese të sigurisë. Ushtria e Rusisë, sipas asaj që ka sugjeruar I dërguari amerikan, mund të qëndrojë në tokën lindore të pushtuar. “Mund të duket thuajse si Berlini pas Luftës së Dytë Botërore”, është shprehur ai. (A2 Televizion)
A2 CNN Livestream
MUND TE LEXONI GJITHASHTU
