Genaro García Luna, ish-kreu i luftës kundër drogës në Meksikë, u dënua më 16 tetor 2024 me më shumë se 38 vite burg në SHBA për marrjen e ryshfeteve nga karteli i drogës Sinaloa, të udhëhequr nga Joaquin “El Chapo” Guzmán, shkruan A2 CNN. Vendimi u dha nga gjyqtari i qarkut, Brian Cogan, në një gjykatë federale në Bruklin.
García Luna, i cili ka shërbyer si ministër i sigurisë publike në Meksikë nga viti 2006 deri në 2012, u shpall fajtor në shkurt 2023 për përfshirje në një ndërmarrje kriminale, konspiracion dhe deklarata të rreme.
Prokurorët kërkuan dënim me burgim të përjetshëm, duke theksuar se García Luna mori miliona dollarë në këmbim të mbrojtjes së anëtarëve të kartelit dhe ndihmës për dërgimin e ngarkesave me kokainë drejt SHBA-së, shkruan A2 CNN.
Në vendimin e tij, gjyqtari Cogan vlerësoi García Luna për kontributin e tij në qendrën e paraburgimit, ku ai ka dhënë mësime për të burgosurit e tjerë. Megjithatë, ai theksoi se dëmet e shkaktuara nga veprimet e tij e tejkalojnë çdo të mirë të bërë.
Ky rast është një nga më të rëndësishmit në luftën kundër korrupsionit të nivelit të lartë në Meksikë, pasi García Luna konsiderohej një nga zyrtarët kryesorë të sigurisë që duhet të ndihmonte në luftën kundër karteleve të drogës, por në të vërtetë, ai bashkëpunoi me ta për përfitime personale. (A2 Televizion)
A2 CNN Livestream
MUND TE LEXONI GJITHASHTU
