Kryeministri izraelit Netanjahu e ka vlerësuar si korrekte veton e Shteteve të Bashkuara të Amerikës ndaj rezolutës së OKB, e cila kërkonte vendosjen e menjëhershme të një armëpushimi në Gaza.
Lideri izraelit u shpreh se edhe vendet e tjera duhet ta kuptojnë se është e pamundur të kërkosh eliminimin e Hamasit dhe ndalimin e luftimeve në të njëjtën kohë. “Kjo gjë nuk mund të ndodhë”, tha Netanjahu.
Shtetet e Bashkuara ishin të vetmet që vunë veton rezolutës që kërkonte armëpushim në Gaza, teksa Britania e Madhe dha një votë abstenuese.
Ndërkohë, presidenti turk, Erdogan e dënoi këtë vendim, duke u shprehur se Këshilli i Sigurisë së Kombeve të Bashkuara është kthyer në një instrument që mbron Izraelin.
Në fushën e betejës, Izraeli vijoi bombardimet ndaj bazave të Hamasit, teksa luftime ka patur dhe në kufirin libanez, ku një qendër komande e grupimit Hezbollah u shkatërrua nga raketat e ushtrisë izraelite.
Situata paraqitet tepër kritike në Gaza, ku militantët raportojnë se numri i viktimave ka shkuar më shumë se 17 mijë e 700 që nga nisja e luftimeve në 7 tetor.
UNICEF e cilësoi Gazën si vendin më të rrezikshëm në botë për momentin dhe shtoi se më shumë se 1 milionë fëmijë janë larguar nga shtëpitë e tyre dhe ndodhen në mëshirë të fatit me probleme për të siguruar ushqim, ujë, ilaçe e veshmbathje.
(A2 Televizion)
A2 CNN Livestream
MUND TE LEXONI GJITHASHTU
