Presidenti i Shteteve të Bashkuara të Amerikës, Joe Biden, tha të mërkurën se ai nuk do të mbështesë asnjë sulm izraelit në qendrat bërthamore të Iranit në përgjigje të sulmit të tij raketor dhe i kërkoi Izraelit të veprojë "në mënyrë proporcionale".
Biden foli një ditë pasi Irani gjuajti më shumë se 180 raketa balistike ndaj Izraelit, një veprim që ai e përshkroi më parë si "të paefektshëm", shkruan A2 CNN. Kryeministri izraelit Benjamin Netanyahu u zotua se Irani do të paguajë për sulmin.
“Përgjigja ëshë jo. Dhe mendoj se do të ketë një diskutim me Izraelin se çfarë do të ndodhë, por të gjithë në grupimin e G7 mendojmë se Izraeli ka të drejtë të përgjigjet dhe duhet të përgjigjen, por në një mënyrë proporcionale. Unë do të flas me popullin e Izraelit dhe liderët e tij”, tha Joe Biden.
Zëvendëssekretari amerikan Kurt Campbell tha se administrata po kërkonte të harmonizonte pozicionin e saj me Izraelin për çdo përgjigje ndaj sulmit të Iranit, por gjithashtu pranon se Lindja e Mesme është në "tehun e thikës" dhe një përshkallëzim më i gjerë mund të rrezikojë interesat izraelite dhe të SHBA.
Sakaq, sulmet izraelite në javët e fundit kanë shkatërruar rreth 50% të arsenalit të Hezbollahut, një koleksion i frikshëm i raketave balistike dhe lundrimit, si dhe raketa të tjera, sipas zyrtarëve të lartë amerikanë dhe izraelitë.
Nga ana e tij, Presidenti iranian Masoud Pezeshkian akuzoi Izraelin se po e shtyn Teheranin të hakmerret dhe premtoi "një përgjigje më të fortë në rast të hakmarrjes së Izraelit" dhe tha se Irani "nuk kërkon luftë me Izraelin".
Sakaq, Izraeli tha se ishte dakord që përgjigja ndaj Iranit do të vinte pas koordinimit me Shtetet e Bashkuara. Vendimi parashikon një reagim "me forcë ndaj sulmit raketor të Iranit, por fillimisht do të koordinohet me Shtetet e Bashkuara. Më pas do të përpiqet të godasë vendet strategjike në Iran". (A2 Televizion)
A2 CNN Livestream
MUND TE LEXONI GJITHASHTU
