Deputeti i Dumës së Shtetit të Rusisë i është përgjigjur pretendimeve të gazetarit amerikan Tucker Carlson se administrata Joe Biden tentoi të vriste Vladimir Putin.
Sipas mediave të huaja, duke folur në episodin e fundit të podcast-it të tij, Carlson tha se ekipi i Biden "u përpoq të vriste Putinin" ndërsa ishte në detyrë.
Ish-komentatori i Fox News nuk shtjelloi më tej deklaratat e tij, përveçse e cilësoi idenë si "të çmendur".
Duke folur për median shtetërore ruse RIA Novosti, Amir Khamitov tha: "Ne nuk e dimë nëse Carlson ka ndonjë të dhënë sekrete që i lejon atij ta pohojë këtë, apo nëse këto janë vetëm supozimet e tij”.
"Por realiteti i Bidenit është aq i çuditshëm dhe i paparashikueshëm sa mund të supozohet çdo gjë", tha ai më tej, shkruan A2 CNN.
Kujtojmë se Carlson u largua nga Fox News në vitin 2023 mes problemeve të rrjetit për transmetimin e pretendimeve të pasakta për mashtrime zgjedhore në zgjedhjet presidenciale të vitit 2020, një komplot i trumbetuar shpesh nga Carlson në emisionin e tij.
Ai udhëtoi në Moskë shkurtin e kaluar për një intervistë të kritikuar gjerësisht me Putinin dhe u kthye muajin e kaluar për të intervistuar ministrin e jashtëm të Moskës Sergei Lavrov.
(A2 Televizion)
A2 CNN Livestream
MUND TE LEXONI GJITHASHTU
