Asambleja vjetore e Përgjithshme e OKB-së sapo është hapur nga Presidentja e saj e re, Annalena Baerbock.
Sipas mediave të huaja, roli i Presidentit të Asamblesë ndërrohet çdo 12 muaj midis pesë grupeve gjeografike të OKB-së dhe zakonisht mbahet nga diplomatë kombëtarë dhe ish-ministra.
Presidentja aktuale Baerbock, ish-ministrre e jashtme gjermane, është potencialisht zgjedhja më e spikatur ndër vite, përcjell A2 CNN.
Asambleja e Përgjithshme e OKB-së e zgjodhi atë me shumicë dërrmuese votash këtë verë, në një votim të fshehtë, shkruan A2 CNN.
Rrethanat e nominimit të saj për këtë rol shkaktuan zemërim në vendin e saj të lindjes, pasi doli që Baerbock e kishte nxjerrë jashtë loje kandidaten fillestare Helga Schmid, kur u bë e qartë se ajo do ta humbiste postin e saj si ministre e jashtme.
Kjo erdhi pasi partia e Baerbock-ut, të Gjelbrit Gjermanë, pati rezultate zhgënjyese në zgjedhjet kombëtare të vendit në shkurt, duke shkaktuar daljen e tyre nga qeveria. (A2 Televizion)
A2 CNN Livestream
MUND TE LEXONI GJITHASHTU
