Presidenti i Venezuelës, Nicolás Maduro, ka sfiduar Shtetet e Bashkuara lidhur me tregtimin e naftës venezueliane, duke e cilësuar “të paligjshëm dhe luftënxitës” njoftimin e presidentit amerikan Donald Trump për një “bllokadë totale” të cisternave të naftës së Karakasit.
Duke folur gjatë përkujtimeve që shënuan 195-vjetorin e vdekjes së Simón Bolívar, në Karakas, Maduro theksoi se Venezuela do të vazhdojë të tregtojë lirshëm naftën e saj, duke theksuar se i përket vetëm popullit venezuelian.
“Karakasi do të vazhdojë të tregtojë lirisht naftën e tij të papërpunuar: "Nafta dhe të gjitha pasuritë natyrore i përkasin vetëm popullit venezuelian", theksoi Maduro.
Maduro bëri thirrje për unitet, duke iu drejtuar njerëzve të zakonshëm, lëvizjeve shoqërore, forcave politike dhe ushtrisë së Kolumbisë që të formojnë një bashkim të përsosur me Venezuelën për të mbrojtur sovranitetin rajonal. Sipas tij, idealet e Bolivarit përbëjnë sot bazën e doktrinës politike dhe planeve të zhvillimit të Venezuelës.
"Bolívar është forca që ndalon perandorinë: 195 vjet pasi u mboll, ideali i tij është një mur kundër atyre që sot ëndërrojnë të na pushtojnë", deklaroi Maduro, duke brohoritur sloganin "Fëmijët e Bolívarit, kurrë skllevër" dhe duke përsëritur se "paqja ndërtohet përmes unitetit".
Ai akuzoi Uashingtonin se po përpiqet të ndryshojë regjimin në Karakas për të imponuar “një qeveri kukull” dhe denoncoi praninë detare amerikane në Karaibe.
Maduro përsëriti refuzimin e çdo përshkallëzimi ushtarak, duke theksuar se “paqja ndërtohet përmes unitetit” dhe duke riafirmuar vizionin e tij për një bashkim “grankolombian” në mbrojtje të sovranitetit dhe “ëndrrës bolivariane”.
(A2 Televizion)
A2 CNN Livestream
MUND TE LEXONI GJITHASHTU
