Është vendosur tashmë. Dy astronautë të NASA-s, që kanë mbetur prej dy muaj në hapësire, do të kthehen në Tokë në shkurt të vitit që vjen me anijen kozmike të Space X.
NASA bëri të ditur se anija kozmike Boeing Starliner, me të cilën astronautët Sunita Williams dhe Barry Wilmore mbërritën në Stacionin Ndërkombëtar të Hapësirës (ISS) do të kthehet në Tokë pa ekuipazh.
Dyshja e astronautëve u nisën në hapësirë në një mision tetë ditor më 4 qershor, por tashmë do të duhet të kalojnë rreth tetë muaj në orbitë.
Starliner pati probleme gjatë rrugës për në ISS, duke përfshirë rrjedhjet e heliumit, i cili shtyn karburantin në sistemin e shtytjes. Disa shtytës gjithashtu nuk funksionuan siç duhet.
Boeing dhe SpaceX-it u dhanë të dy kontrata miliarda dollarësh nga NASA për të ofruar fluturime komerciale në hapësirë për astronautët e saj.
SpaceX deri më tani ka dërguar nëntë fluturime me ekuipazh në hapësirë për NASA-n, si dhe disa misione komerciale, por kjo ishte përpjekja e parë e Boeing në një mision me ekuipazh.
Inxhinierët në Boeing dhe NASA-s kanë shpenzuar muaj duke u përpjekur të kuptojnë problemet teknike me anijen Starliner.
Ata kanë kryer teste dhe kanë mbledhur të dhëna, si në hapësirë ashtu edhe në Tokë. Shpresa e tyre ishte të gjenin rrënjën e problemeve dhe të gjenin një mënyrë për t'i kthyer astronautët në shtëpi të sigurt në Starliner.
Duke folur në një konferencë për shtyp të shtunën, administratori i NASA-s Bill Nelson tha se Boeing ka punuar ngushtë me NASA-n për të kuptuar se çfarë përmirësimesh duhen bërë në anijen kozmike.
"Fluturimi në hapësirë është një rrezik, madje edhe në rastin më të sigurt dhe madje edhe më rutinë, dhe një fluturim provë, nga natyra, nuk është as i sigurt dhe as rutinë," tha ai.
Është marrë vendimi për të zgjatur qëndrimin e çiftit në ISS deri në shkurt 2025, në mënyrë që ata të mund të kthehen në një anije kozmike
SpaceX Crew Dragon pritej që të nisej në hapësirë me katër astronautë në bord, por në vend të kësaj do të niset me dy, për t’u lënë dy sedilje bosh Wilmore dhe Williams që të kthehen më në fund në tokë. (A2 Televizion)
A2 CNN Livestream
MUND TE LEXONI GJITHASHTU
