Vazhdon fushata për vaksinimin e fëmijëve në Gaza kundër poliomelitit. Kjo përpjekje për të mbrojtur të vegjlit u nis nga Kombet e Bashkuara në bashkëpunim me autoritetet shëndetësore palestineze, pasi një fëmijë u paralizuar pjesërisht muajin e kaluar nga virusi i poliomelitit.
Ai ishte rasti i parë në 25 vitet e fundit në atë territor. Fushata që nisi të dielën përreth Gazës qendrore do të lëvizë për në zona të tjera. Luftimet duhej të kishin ndaluar për të paktën 8 orë për 3 ditë radhazi.
Në ditën e parë, raportohet se të paktën 72 mijë fëmijë janë vaksinuar. Izraeli dhe Hamasi, që nuk po arrijnë dot një marrëveshje për armëpushim, kanë konfirmuar se do të bashkëpunojnë që fushata të jetë e suksesshme.
Organizata Botërore e Shëndetësisë thekson se të paktën 90 për qind e fëmijëve duhet të vaksinohen dy herë brenda katër javëve që fushata të jetë funksionale. (A2 Televizion)
A2 CNN Livestream
MUND TE LEXONI GJITHASHTU
