Kryeministrja italiane Giorgia Meloni nuk tërhiqet nga marrëveshja e emigrantëve me Shqipërinë, pavarësisht vendimit të gjykatës së Romës. Këtë të hënë është parashikuar mbledhja e qeverisë italiane ku do të miratohet një dekret i ri pavarësisht polemikave.
Sipas mediave italiane, nisma ligjore do të përmbajë drejtpërdrejt një listë të vendeve të sigurta, një detyrë që në dekretin e mëparshëm e kishte Farnesina, Ministria e Jashtme e Italisë. Në këtë mënyrë shefja e qeverisë italianë sfidon gjykatën Evropianë të drejtësisë, gjykatat dhe magjistratët. “La Repubblica” shkruan se vetëm në këtë mënyrë, sipas Melonit, mund t'i garantohet siguri mekanizmit të shpërndarësve përtej kufirit, duke filluar nga ai shqiptar. Pas vendimit të gjykatës së Romës, një anije e marinës italiane mori të shtunën emigrantët e mbetur në Gjadër, raporton A2.
Por jo vetëm kaq. A2 transmeton se Italia është përfshirë nga një tension mes Melonit dhe drejtësisë italiane. Shkak është bërë publikimi i një emaili të një gjyqtari mbi kryeministren e Italisë.
“Meloni nuk ka hetime gjyqësore ndaj saj dhe për këtë arsye ajo nuk vepron për interesa personale por për vizione politike dhe kjo e bën atë shumë më të fortë, dhe veprimi i saj gjithashtu e bën atë shumë më të rrezikshme”. Ky është emaili i zv/prokurorit të Kasacionit Marco Patarnello, i publikuar në mediat italiane, citon A2.
Për maxhorancën, ky email ngre “shqetësim të bazuar për paanshmërinë e duhur të pushtetit gjyqësor”, por ky pretendim është hedhur poshtë nga drejtësia italiane.
“Ne nuk kërkojmë asnjë konflikt me ekzekutivin, por po përjetojmë shqetësim i madh për sulmet ndaj disa zyrave të drejtësisë për faktin e thjeshtë të vendosjes sipas ligjit dhe të drejtës””, thuhet në reagimin e Giuseppe Santalucia, kryetari i Shoqatës Kombëtare të Magjistraturës. (A2 Televizion)
A2 CNN Livestream
MUND TE LEXONI GJITHASHTU
