Egjipti duket se është angazhuar në një maratonë diplomatike për të parandaluar ratifikimin e memorandumit turko-libian nga Parlamenti i Tobrukut, me Greqinë që po monitoron nga afër zhvillimet, pasi të dielën e ardhshme Ministri i Jashtëm Giorgos Gerapetritis do të vizitojë Tripolin dhe Bengazin.
Sipas mediave të huaja, një zyrtar egjiptian, duke folur në kushte anonimiteti, i tha sot faqes së internetit Middle East Eye se Kajro është thellësisht e shqetësuar se nëse Parlamenti i Libisë lindore ratifikon marrëveshjen që u nënshkrua fillimisht në vitin 2019 nga qeveria e vendit e mbështetur nga Perëndimi, tensionet mund të rriten në Mesdheun Lindor, në një kohë kur Egjipti po përballet me pasojat e konflikteve në Gaza dhe Sudan.
Sipas të njëjtit burim, Ministri i Jashtëm egjiptian Badr Abdelati ngriti çështjen e ndërhyrjes së SHBA-së në një telefonatë me Massad Boulos, këshilltarin e lartë të Shtëpisë së Bardhë për Afrikën, muajin e kaluar. Boulos tha se do të kontaktonte Khalifa Haftarin, udhëheqësin de facto të Libisë lindore, për të diskutuar çështjen, thanë burimet, shkruan A2 CNN.
Disa media libiane po raportojnë se parlamenti lindor i Libisë ka të ngjarë të ratifikojë marrëveshjen e delimitimit detar të vitit 2019, e cila njeh pretendimin e Turqisë për një Zonë Ekonomike Ekskluzive (EEZ) në pjesë të mëdha të Mesdheut Lindor. Parlamenti lindor i Libisë, me seli në Tobruk, është në fakt nën kontrollin e Haftarit, i cili është mbështetur herë pas here nga "lojtarë" të ndryshëm rajonalë që nga viti 2011, duke përfshirë Emiratet e Bashkuara Arabe, Shtetet e Bashkuara, Egjiptin, Francën dhe Rusinë. (A2 Televizion)
A2 CNN Livestream
MUND TE LEXONI GJITHASHTU
