Ministri i Jashtëm i Francës, Jean-Noel Barrot, tha në një intervistë se Presidenti i Rusisë, Vladimir Putin, ka interes ta marrë seriozisht një propozim të përshtatur të paqes nga SHBA-të.
Sipas mediave të huaja, kjo për shkak se “ai po përballet me pengesa ushtarake”, tha Barrot për gazetën franceze La Tribune Dimanche, kur u pyet nëse Rusia mund të kishte fjalën e fundit në përpjekjen e fundit të SHBA-së, shkruan A2 CNN.
Ai tha: “Përparimi i ushtrisë ruse në Ukrainën lindore po vjen me një kosto kolosale, me më shumë se 1,000 ushtarë rusë të vrarë çdo ditë në vijat e frontit... Vladimir Putin duhet ta pranojë armëpushimin, ose rrezikon ta ekspozojë Rusinë ndaj sanksioneve të mëtejshme që do ta paralizojnë ekonominë e saj, si dhe mbështetjen e ripërtërirë evropiane për Ukrainën”.
Barrot shpresonte se BE-ja do të binte dakord për përdorimin e afërsisht 120 miliardë paundëve në asetet e ngrira ruse për të mbështetur Ukrainën në samitin e ardhshëm të liderëve më 18 dhjetor. (A2 Televizion)
A2 CNN Livestream
MUND TE LEXONI GJITHASHTU
