
Kryeministri izraelit Benjamin Netanyahu tha të enjten se ka dhënë udhëzim që Izraeli të fillojë bisedime paqeje me Libanin, të cilat do të përfshijnë edhe çarmatimin e Hezbollahut.
“Në dritën e kërkesave të përsëritura të Libanit për të hapur negociata të drejtpërdrejta me Izraelin, unë i dhashë udhëzim kabinetit dje që të fillojë negociatat e drejtpërdrejta me Libanin sa më shpejt të jetë e mundur,” tha Netanyahu në një deklaratë.
“Negociatat do të përqendrohen në çarmatimin e Hezbollahut dhe në vendosjen e marrëdhënieve paqësore midis Izraelit dhe Libanit.” (A2 Televizion)