Burri që kreu sulmin në një sinagogë në Mançester të enjten, ku mbetën të vdekur dy hebrenj dhe tre të tjerë u plagosën, është identifikuar nga policia si Jihad Al-Shamie.
Al-Shamie, një 35-vjeçar britanik me prejardhje siriane, drejtoi një makinë drejt njerëzve jashtë Sinagogës të Kongregacionit Hebraik në Heaton Park përpara se të sulmonte kalimtarët me thikë. Ai u qëllua për vdekje nga policia në vendngjarje.
Policia e Mançesterit të Madh tha se tre persona të tjerë ishin arrestuar si pjesë e hetimit dhe e shpalli sulmin një "incident terrorist".
Kryeministri Keir Starmer dënoi sulmin, i cili ndodhi në Yom Kippur - dita më e shenjtë në kalendarin hebraik.
Keir tha se "asete shtesë policore" do të vendosen në sinagoga në të gjithë vendin, ndërsa kryebashkiaku i Londrës, Sir Sadiq Khan, tha se policia me "dukshmëri të lartë" brenda dhe përreth sinagogave në kryeqytet gjithashtu do të "rritet".
Kryerabini Ephraim Mirvis tha se sulmi në Crumpsall, në veri të Mançesterit, ishte "rezultati tragjik" i një vale të paepur urrejtjeje ndaj hebrenjve në rrugë, kampuse, media sociale dhe gjetkë.
“Kjo është dita që shpresonim se nuk do ta shihnim kurrë, por që thellë-thellë e dinim se do të vinte”, shtoi ai. (A2 Televizion)
A2 CNN Livestream
MUND TE LEXONI GJITHASHTU
