Përballja bërthamore?! Kim teston mbrojtjen për sulm bërthamor

Nuk ka qetësi në Gadishullin Korean. Pas testimit të raketave balistike, Koreja e Veriut realizon stërvitjen e saj të parë të kundërsulmit bërthamor për të simuluar sistemin e menaxhimit të "butonit të armëve bërthamore".

Stërvitja është ndjekur nga afër edhe nga udhëheqësi Kim Jong Un. "Testimi i mbrojtjes bërthamore shihet si një paralajmërim i qartë për armiqtë tane", njoftoi televizioni shtetëror koreano-verior.

Sipas tij, Kim vlerësoi shumë gatishmërinë e armëve taktike të sulmit bërthamor "më të mirë në botë"  duke shprehur kënaqësinë për stërvitjet. Shteti më i izoluar në botë besohet se po përgatitet të lëshojë një satelit tjetër spiun, pasi vendosi me sukses një satelit zbulues në orbitë në muajin nëntor. (A2 Televizion)