Kina dhe Japonia kanë dhënë versione të ndryshme lidhur me një konfrontim të rrezikshëm që ndodhi pranë një grupi ishujsh të kontestuar në Detin e Kinës Lindore, shkruan A2 CNN. Roja Bregdetare e Kinës tha të martën se një anije peshkimi japoneze kishte hyrë ilegalisht në ujërat e Ishujve Diaoyu - të cilët Tokio i quan Ishujt Senkaku.
Kina i pretendon ato si territor të vetin, pavarësisht se ishujt administrohen nga Japonia. Ndërkohë, Roja Bregdetare e Japonisë tha se ka kapur dhe dëbuar dy anije të Rojës Bregdetare Kineze ndërsa ato i afroheshin anijes së peshkimit.
Ky konfrontim vjen ndërsa lidhjet diplomatike midis dy kombeve përkeqësohen, pasi kryeministrja japoneze bëri komente kontroverse në lidhje me Tajvanin muajin e kaluar, duke thënë se mund të ndërhynin ushtarakisht nëse ai do të sulmohej. (A2 Televizion)
A2 CNN Livestream
MUND TE LEXONI GJITHASHTU
