Melania Trump ka zgjedhur një “pozë fuqie” dhe një pamje të ashpër, pa buzëqeshje për foton e re zyrtare si Zonja e Parë e Shtëpisë së Bardhë.
Imazhi është një kontrast i dukshëm me atë të vitit 2017, me të cilin ish-modelja sllovene kishte zgjedhur të mirëpriste mandatin e parë të bashkëshortit të saj me një gjysmë buzëqeshje dhe me krahë të mbledhur.
E veshur me një kostum të errët dhe këmishë të bardhë të hapur, gruaja e tretë 54-vjeçare e Donald Trump u portretizua me gishtat e saj të mbështetur në një tavolinë të pasqyruar, me obeliskun e George Washington që ngrihet lart në sfond. Fotografia u publikua nga Shtëpia e Bardhë dhe është bardh e zi.
Portreti është shkrepur nga Régine Mahaux, një fotograf nga Belgjika që ka bërë foto të familjes Trump për më shumë se 20 vjet.
Zyra e zonjës së parë konfirmoi se fotografia ishte bërë më 21 janar 2025, ndërsa portretet e Presidentit Donald Trump dhe Zëvendës Presidentit JD Vance u publikuan në fillim të këtij muaji përpara inaugurimit.
Sipas disa mediave, poza në Dhomën e Verdhë të Shtëpisë së Bardhë ngjall imazhe promovuese të The Apprentice, reality talent show që ringjalli pasurinë e Trump dhe mund të jetë shenjë e një rikthimi të madh për Melanian, e cila së fundmi ka nënshkruar një marrëveshje prej 40 milionë dollarësh me Amazon për një dokumentar për jetën e tij. (A2 Televizion)
A2 CNN Livestream
MUND TE LEXONI GJITHASHTU
