Presidenti rus Vladimir Putin ka paralajmëruar Perëndimin kundër përshkallëzimit të luftës në Ukrainë, duke thënë se Moska është e gatshme të përdorë “të gjitha armët” në arsenalin e saj, përfshirë edhe ato bërthamore, nëse enklava ruse e Kaliningradit në Baltik sulmohet.
Duke folur të enjten në Moskë, lideri rus tha se nuk ka plane për të sulmuar asnjë vend evropian, por se është i gatshëm t’i përgjigjet agresionit perëndimor nëse është e nevojshme. Ai iu referua gjithashtu territorit rus të Kaliningradit, i cili ndodhet mes vendeve anëtare të NATO-s, Polonisë dhe Lituanisë.
Paralajmërimi i tij vjen pas stërvitjeve të fundit ushtarake të NATO-s pranë Kaliningradit, të cilat aleanca i ka përshkruar si manovra mbrojtëse për forcimin e parandalimit.
Këto stërvitje kanë shkaktuar shqetësim të fortë në Moskë, e cila në fund të shtatorit paralajmëroi se do të hakmerrej nëse NATO do të tentonte të bllokonte enklavën nga ajri ose deti.
“Stërvitjet në Detin Baltik, që pasojnë njëra-tjetrën... Më pas përpjekjet për të ndaluar anijet dhe mjetet tona lundruese. E gjithë kjo është një përshkallëzim. Dhe më pas filluam të dëgjonim deklarata në lidhje me rajonin e Kaliningradit”, tha Putin.
(A2 Televizion)
A2 CNN Livestream
MUND TE LEXONI GJITHASHTU
