Rusia merr hak, ndalon 92 amerikanë të hyjnë në vend

Nga A2 CNN
29 Gusht 2024, 17:03 | Bota

Rusia merr hak, ndalon 92 amerikanë të hyjnë në vend

Ministria e Jashtme e Rusisë njoftoi se u ka ndaluar hyrjen 92 amerikanëve në territorin e saj, si përgjigje ndaj qëndrimit rusofobik të ndjekur nga administrata Biden me objektivin e deklaruar për t’i shkaktuar një disfatë strategjike Moskës.

Mes personave që iu është ndaluar hyrja në Rusi janë gazetarë, avokatë të njohur dhe përfaqësues të biznesit nga Shtetet e Bashkuara.

Në deklaratë thuhet se gazetarë e ndaluar janë përfaqësues të botimeve liberalo-globaliste të angazhuara në prodhimin dhe shpërndarjen e gënjeshtrave për Rusinë dhe forcat e armatosura ruse.

Amerikanë të tjerë në listë përfshijnë persona që punojnë për agjencitë e zbatimit të ligjit, akademikë dhe figura nga biznesi si edhe organizata joqeveritare. Sipas një liste të Ministrisë së Jashtme, Rusia ka ndaluar hyrjen e më shumë se 2,000 amerikanëve në territorin e saj. (A2 Televizion)

A2 CNN Livestream

Latest Videos