Autoriteti i Mbrojtjes së Konkurrencës dhe të Tregut ka mbyllur hetimin ndaj Ryanair, duke arritur një marrëveshje që parashikon angazhime e kompanisë ajrore për rimbursimin në vlerën totale 1,5 milionë euro ndaj konsumatorëve për shkeljen e dy neneve të kodit.
Sipas akuzave të ngritura në fillim të hetimit, informacionet e ofruara nga kompania ajrore për kushtet e aplikueshme për check-in online nuk kanë qenë të plota, pasi nuk informonin siç duhet konsumatorët mbi periudhën e disponueshmërisë së shërbimit dhe për mundësinë e rritjes së kostove në rastin e mos kryerjes së check-in-it online brenda afatit të caktuar nga Ryanair, shkruan A2 CNN.
Gjithashtu, Autoriteti kishte vënë re se, gjatë rezervimit të një bilete vajtje-ardhje, nëse përdoruesi zgjidhte opsionin e "prioritetit dhe bagazhit të dorës", kjo zgjedhje automatikisht zgjatej për të dy udhëtimet.
Në përputhje me marrëveshjen, tashmë Ryanair do të rimbursojë plotësisht - me një shumë prej 55 eurosh, shuma e paguar për check-in në aeroport - të gjithë konsumatorët që, mes vitit 2021 dhe 2023, kanë dërguar një ankesë ndaj kompanisë, pa pasur informacion të mjaftueshëm mbi kushtet për check-in online.
Për më tepër, të gjithë ata që kanë bërë rezervime gjatë të njëjtit periudhë dhe kanë kryer check-in në aeroport, duke paguar përkatësisht shtesën, do të marrin një kompensim prej 15 eurosh ose, si alternativë, një kupon me vlerë 20 euro për shërbime të Ryanair. (A2 Televizion)
A2 CNN Livestream
MUND TE LEXONI GJITHASHTU
