Një video shokuese është publikuar nga dronët ukrainas në të cilët dëgjohen edhe audio ku kërkohet eliminimi fizik i disa pengjeve ukrainase. Prokurorët ukrainas besojnë se vrasjet e ndodhura nga qytetin e Prokovsk përbëjnë krime lufte dhe duhen dënuar.
“Sapo t’i nxjerrësh nga tunelet zeroi të tre”. Është kjo thirrja ultimative që shfaqet në një video të ushtrisë ukrainase në të cilën shfaqen tre ushtarë ukrainas të marrë peng por që ekzekutohen në mënyrë të pamëshirshme nga forcat ruse.
Video nga një dron ukrainas, e publikuar nga CNN, tregon ekzekutimin gushtin e kaluar të tre ushtarëve ukrainas të cilët tashmë ishin dorëzuar tek forcat ruse. Episodi ka ndodhur pranë qytetit të Pokrovsk, në pjesën lindore të vendit. Ekzekutimi i tre ushtarëve, sipas CNN, ishte pjesë e një serie ekzekutimesh, numri i të cilave duket se po rritet këtë vit, raporton A2.
Incidenti, i përshkruar nga një zyrtar ukrainas, është pjesë e një modeli ekzekutimesh në rritje këtë vit. Burimet e inteligjencës ukrainase të mbrojtjes i kanë dhënë CNN një listë me 15 raste që nga nëntori, shumica e mbështetur nga përgjimet video ose audio me dron, në të cilat ata thonë se trupat ukrainase të dorëzuara u vranë nga rusët në vijën e frontit, në vend që të kapeshin rob.
Prokurorët ukrainas i thanë CNN se besojnë se vrasjet e supozuara janë krime lufte dhe pjesë e një politike të orkestruar nga Kremlini. “Nëse të burgosurit e luftës dorëzohen, nëse tregojnë se dorëzohen, nëse janë pa armë në duar, atëherë ekzekutimi i përmbledhur është një krim lufte”, tha Andriy Kostin, prokurori i përgjithshëm i Ukrainës, për CNN, transmeton A2.
Pamjet nga rajoni i Pokrovsk duket se pasqyrojnë taktikat brutale të pamëshirshme të ushtrisë ruse ndërsa vazhdojnë të përparojnë në lindje të Ukrainës.
Ndërsa presidenti rus Vladimir Putin është subjekt i një urdhër-arresti nga Gjykata Penale Ndërkombëtare për rolin e tij në skemën për të dëbuar me forcë fëmijët ukrainas në Rusi, Kievi po ndjek në mënyrë agresive pretendimet për gjenocid kundër Moskës. Kostin, prokurori i përgjithshëm, sugjeron se natyra sistematike e këtyre ekzekutimeve në fushëbetejë nënkuptonte se ato mund të bëheshin pjesë e çështjes më të gjerë të gjenocidit.
(A2 Televizion)
A2 CNN Livestream
MUND TE LEXONI GJITHASHTU
