Kreu i të drejtave të njeriut i Kombeve të Bashkuara tha se uria në Gazën veriore është shkaktuar nga qeveria izraelite.
Sipas mediave të huaja, Volker Turk paralajmëroi se vdekjet nga uria në enklavë mund të klasifikohen si krim lufte.
"Uria e shpallur sot në Guvernatoratin e Gazës nga Klasifikimi i Fazës së Integruar të Sigurisë Ushqimore (IPC) është rezultat i drejtpërdrejtë i veprimeve të ndërmarra nga qeveria izraelite", tha ai, shkruan A2 CNN.
"Është krim lufte të përdorësh urinë si metodë lufte dhe vdekjet që vijnë si pasojë mund të përbëjnë gjithashtu krim lufte të vrasjes me dashje", shtoi ai më tej.
IPC është autoriteti kryesor në botë për krizat ushqimore. Ai zbuloi se më shumë se gjysmë milioni njerëz në Gaza po "përballen me kushte katastrofike të karakterizuara nga uria, varfëria dhe vdekja".
1.07 milion njerëz të tjerë janë në një situatë emergjence dhe 396,000 njerëz janë në krizë, tha ajo.
COGAT, agjencia ushtarake izraelite që koordinon ndihmën, i ka hedhur poshtë gjetjet, përcjell A2 CNN. (A2 Televizion)
A2 CNN Livestream
MUND TE LEXONI GJITHASHTU
