Departamenti Amerikan i Mbrojtjes ka miratuar mbështetje ushtarake shtesë për shërbimin sekret, në mënyrë që të garantohet siguria e kandidatëve për presidentë dhe nënpresidentë. Vendimi ka ardhur pas një kërkese të organeve të sigurisë.
“Departamenti i Mbrojtjes kohët e fundit ka marrë një kërkesë për ndihmë nga Departamenti i Sigurisë së Brendshme për mbështetje ushtarake shtesë për kandidatët për president dhe nënpresidentë. Sekretari i Mbrojtjes ka miratuar kërkesën dhe urdhëruar komandantin e Komandës Amerikane të Veriut që të planifikojë dhe garantojë një rritje të mbështetjes për Shërbimin Sekret të Shteteve të Bashkuara në vendndodhje të ndryshme përreth vendit gjatë fushatës zgjedhore të 2024-ës. Departamenti i Mbrojtjes do të garantojë mbështetje mbrojtjeje dhe kjo do të vazhdojë deri më 5 nëntor të këtij viti, që pasohet me mbështetjen e presidentit dhe nënpresidentit të zgjedhur deri në inaugurimin më 20 janar të vitit 2025”. (A2 Televizion)
A2 CNN Livestream
MUND TE LEXONI GJITHASHTU
