Presidenti amerikan Donald Trump e paralajmëroi Afganistanin per Bazën Ajrore të Bagramit.
"Nëse Afganistani nuk ua kthen Bazën atyre që e ndërtuan, që janë Shtetet e Bashkuara, do të ndodhin gjëra të këqija", tha Trump, shkruan A2 CNN.
Shefi i Shtëpisë së Bardhë tha se kishte folur me autoritetet afgane për rimarrjen e kontrollit të bazës ushtarake të Bagramit, një strukturë kyçe e përdorur nga forcat amerikane gjatë luftës në atë vend. "Nuk duhej ta kishim lënë kurrë të ikte", u tha Trump gazetarëve në Zyrën Ovale të Shtëpisë së Bardhë, duke komentuar tërheqjen e forcave amerikane nga baza në vitin 2021, gjë që u lejoi talebanëve të merrnin kontrollin.
“Afganistani dhe Shtetet e Bashkuara duhet të bashkëpunojnë, por pa asnjë prani ushtarake amerikane në territorin tonë”, tha një nga zyrtarët e Ministrisë së Jashtme afgane, përcjell A2 CNN.
Negociatat përfshijnë kthimin e forcave speciale amerikane në një kapacitet të kufizuar në bazën e Bagramit, një marrëveshje shkëmbimi të të burgosurve, ekonomike dhe bashkëpunim në fushën e sigurisë. (A2 Televizion)
A2 CNN Livestream
MUND TE LEXONI GJITHASHTU
