Izraeli ka sulmuar ditën e sotme një "ndërtesë të lartë" në qytetin e Gazës.
Sipas mediave të huaja, ky sulm vjen pasi zëdhënësi i Forcave të Mbrojtjes Izraelite (IDF), Avichay Adraee, ndau një "paralajmërim urgjent" për palestinezët në disa pjesë të qytetit të Gazës, duke thënë se do të sulmojnë "së shpejti".
Në një deklaratë që konfirmonte sulmin, IDF tha: "Terroristët e Hamasit vendosën pajisje për mbledhjen e inteligjencës dhe pozicionuan poste vëzhgimi për të monitoruar vendndodhjen e trupave të IDF në zonë dhe për të çuar përpara sulmet terroriste kundër shtetit të Izraelit dhe trupave të IDF".
"Para sulmit, u ndërmorën hapa për të zbutur sa më shumë dëmin ndaj civilëve, duke përfshirë paralajmërime paraprake për popullsinë, përdorimin e municioneve të sakta, mbikëqyrjen ajrore dhe inteligjencën shtesë", thuhej më tej në deklaratën e IDF-së.
Përpara sulmeve, Adraee tha se sulmet do të kryheshin në:
Zona e Portit të Gazës,
Lagjja Rimal,
Dhe konkretisht Kulla Al Ghafri dhe tendat aty pranë.
Në ditët e fundit, Izraeli ka kryer sulme të ngjashme në mënyrë të përsëritur duke shkatërruar ndërtesa të larta, duke përdorur justifikime të ngjashme. (A2 Televizion)
A2 CNN Livestream
MUND TE LEXONI GJITHASHTU
